Friday 19 October 2007

Plantation? Whit Plantin R Ye Oan Aboot?

A'm sure A'm no tha only yin amang iz that heared certain revisionists, political mooths an tha lake puttin it ower that iz Ulster Scotch landed here in a boat an tuk ower lan, hooses an aa. Aye deed, we hae bin writ aff as invaders an aa soarts. The Toon Rhymer begs tae differ a bit frae that wye o thinkin.

It's Wur Hame An Aye Wus
They keep taakin aboot a plantation.
They say wae invaded this lan.
They think we're misguided Irishmen!
Wie a fool loyalty tae an oul Rid Haun.
Revisionists, historians an ither yins
Wud mak iz feel that wae dinnae belang
But gie mae a minute tae A show ye
That they cudnae bae oany mair wrang.
Wur Dalriada forefaithers leeved here
As they had done fer hunners o years
They wur persecuted but kept oan gan
Tho it cost them aa sufferin an tears.
Eventually they set sail ower tha water
(They wur caa'd Scots in thar new plaice)
Tha wye they wur forced oot o Ulster
Wus naethin shoart o a disgrace!
They settled in the Lallans,
An wrocht hard in thur new domain
Aaways hopin, prayin an thinkin
That they micht see oul Ulster again.
Centuries later King James tuk a notion
O settin Ulster bak oan hur feet
An sae he sent the Lallan fowk hame again
Determined this time they'd niver bae beat.
Sae its no a 'plantation', it's a hamecomin
Bak tae tha plaice whur we leeved afore
An this time we're no gan tae lee it
As they did in bygone days o yore.
Here's a toast tae the Ulster Scotch!
A'm gye proud tae bae here the day
Fer whither the rest lake it ir lump it,
It's in Ulster that we're gan tae stay!!

5 comments:

tha poocher said...

Gary am gled tae see ye oan tha road wae yer rhymes an aa. Keep hie lit syn an guid luck wae tha Radio FUSE

alan wright said...

Here's tae is an wa's lake is

Ulidian Reiver said...

Well done Sham! We need yin oor twa mair lake ye tae dispell thon myths bout wor ain hame comin!

keep er lit young cove!

thecelticpiper said...

how true indeed. id love to come home to me ulster scots roots. i speak a wee ulster scotch, gaelic and good hungarian (from my ma)
i would love to learn the hamely tongue proper and to educate all in its wonderful attributes.heck, even in scotland scots is not as full or as colourful as our beloves ullans. i love all of you guys and miss you.my name is les wilds. im a salesman in oklahoma city, and a piper as well. piob mhor and uilleann as well.
id love calls from ye all (405)417-4706 is my cell. i have 3 lasses 6,4,and twa. and my wife is fine too. i cant afford to move tae ulster, yet id be happier thier in celtic central. ulster is where its all at scots and irish music together in all its glory. no scot music with oot irish, and vice versa. CELTIC CENTRAL FOR SURE !.
I LOVE MY NEIGHBOR LIKE JESUS SAID BOTH IRISH AND SCOTS.IM GLAD THE FIGHTING AND BLOODSHED IS DONE !

I LOVE ALL OF YOU BIG SMALL, SHORT, AND TALL, TARTANS OR SAFFRONS ! ID LOVE TA HERE FROM YE ! WILDS5@COX.NET IS MY EMAIL.
God bless you all, i miss you so.
regards Les wilds and clan.

Unknown said...

Love it